13 oC 
Güneşli
رژێمی سەهیۆنی لە ٥٥هەمین ڕۆژی ئاگربەستدا، هێرشی ئاسمانی و تۆپخانەیی بۆسەر خان یونس و ناوچەکانی ڕۆژهەڵاتی غەززە دەستپێکرد. لەو هێرشانەدا هەشت فەلەستینی شەهید بوون کە هەنێکیان منداڵ بوون.
رژێمی سەهیۆنی جارێکی دیکە ئاگربەستی ڕاگەیاندراوی لەگەڵ حەماس پێشێل کرد و هێرشی ئاسمانی و تۆپخانەیی بۆ سەر بەشی ڕۆژهەڵاتی کەرتی غەززە دەستپێکرد. هێرشەکان بە درێژایی شەو چەندین جار بە تایبەتی لە قەزای شاری یونس لە ڕۆژهەڵاتی غەززە ئەنجام دراون.
بەگوێرەی سەرچاوە خۆجێییەکانی ناوچەکە، چەندین بۆردومانی چڕ لەلایەن فڕۆکە جەنگییەکانی داگیرکەرەوە لە ڕۆژهەڵاتی خان یونس ئەنجامدراون، هاوکات لەهەمان کاتدا تەقەی توندی تۆپخانە لە دەوری ڕۆژهەڵاتی کەرتی غەززە کراوە.
ئێوارەی ڕۆژی چوارشەممە کەمپی نەجات لە قەزای مەواسی کرایە ئامانج. هێرش بۆ سەر کامپەکە کە تەواوی دانیشتووانی خەڵکی مەدەنی ئاوارە بوو، بووە هۆی گیانلەدەستدانی ٦ فەلەستینی کە ٢یان منداڵ بوون. هەروەها ٣٢ کەسی دیکەش بریندار بوون. پێشتریش لەو ڕۆژەدا ٢ فەلەستینی دیکە لە هێرشێکی دیکەدا لە گەڕەکی زەیتون لە باشووری ڕۆژهەڵاتی غەززە شەهید بوون.
هێرشەکانی رژێمی سەهیۆنی سەرەڕای ڕێککەوتنی ئاگربەست کە لە ١٠ی ئۆکتۆبەرەوە کەوتە بواری جێبەجێکردنەوە، بێ وەستان بەردەوامە و لە چەند هەفتەی ڕابردوودا هێزەکانی داگیرکەر بە تایبەتی لە ناوچەکانی ڕۆژهەڵات و باشووری غەززە بۆردومانەکانیان چڕتر کردووەتەوە و ناوچە خێوەت و ماڵەکانی نیشتەجێبوونی خەڵکی مەدەنییان کردووەتە ئامانج.
ژمارەی شەهیدانی فەلەستینی لە دوای دەستپێکردنی ئاگربەست لە ١٠ی ئۆکتۆبەرەوە بۆ ٣٦٨ کەس بەرزبووەتەوە، زۆرینەی شەهیدەکان منداڵ و ژن و بەساڵاچوون. هەروەها زیاتر لە ٩٢٠ کەس بە پلەی جیاواز بریندار بوون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بزووتنەوەی خۆڕاگریی ئیسلامیی حەماس ڕایگەیاند، "ئاشکراکارییەکەی سیئێنئێن بەڵگەیەکی نوێی کۆمەڵکوژیی ڕێکخراوی داگیرکەرانی سەهیۆنییە لە غەززە."
کەناری ڕۆژئاوا شەوی ڕابردوو و بەرەبەیانی ئەمڕۆ پێنجشەممە، شایەتحاڵی شەپۆلێکی نوێی هێرشەکانی سوپای داگیرکەری سەهیۆنی بوو و بە شێوەی هاوکات هێرش کرایە چەندین شار، گوند و ئۆردوگا.
تیمەکانی بەرگری شارستانی و پۆلیس ماندوو نەناسانە کار دەکەن بۆ لەکارخستنی ئەو بۆمبە نەتەقیوانەی کە لە هێرشەکانی رژێمی سەهیۆنی بەجێماون. تەنها لە مانگی تشرینی دووەمدا تیمەکان ٢٥٢ تەقەمەنی مەترسیداریان لەناوبرد.
